Техник-технолог

Техник-технолог - ет шикізатынан өнімдерді өндірудегі технологиялық процестерді  ұйымдастыруды және басқаруды, шикізатты ұтымды пайдалануға және берілген сапалық сипаттамалары бар өнімдерді алуда жүйелі тәсілді және қазіргі заманғы техникалық-технологиялық шешімдерді оңтайлы пайдалануды жүзеге асыратын маман.

Техник-технолог қолданыстағы өндірістік процестерді әзірлейді және жетілдіреді, еңбекті ұйымдастырудың тиімділігін бақылайды және туындаған өндірістік проблемаларды шешеді.

Осы бағыттағы мамандар мынадай жұмыс түрлерін атқара алады:

• өндірістің технологиялық процестері мен режимдерін түзетуге байланысты техникалық құжаттамаға өзгерістерді ресімдеу және оларды кәсіпорын бөлімшелерімен келісу;
• уақыттың (өндірудің) негізгі техникалық нормаларын әзірлеуге қатысу, шикізат, материалдар, құрал-саймандар, отын мен энергия шығынының нормаларын, жобаланатын технологиялық процестердің экономикалық тиімділігін есептеу;
• кәсіпорынның өндірістік бөлімшелерінде технологиялық тәртіптің сақталуын және жабдықты пайдалану ережелерін бақылау;
• технологиялық жабдықты сынауға, жобаланатын технологиялық процестер мен өндіріс режимдерін тексеру және игеру бойынша эксперименттік жұмыстарды жүргізуге қатысу.

Жоғары деңгейдегі маман болу үшін минималды тәжірибе - 5 жыл.

Осы біліктілік бойынша ойдағыдай білім алу және одан әрі жемісті жұмыс істеу үшін студенттің химия, биология саласында білімі болуы керек. Жас техник-технологтың орташа жалақысы - 100 мың тг.

Қоғамдық тамақтану техник-технологы жауапкершілік, ұйымшылдық, ұқыптылық, дәм мен иісті жақсы сезу және шығармашылық қабілеттерге ие болуы тиіс.

Бұл кәсіптің артықшылығы - шеберлікті арттыру және кәсіби тәжірибені жинақтау арқылы салаға қатысы бар кәсіптерді игеру, қосымша білім алу арқылы мансаптық өсу мүмкіндігіне ие болуында.

Бұл біліктіліктің кемшілігі - үлкен жауапкершілік деңгейінде. Медициналық қарсы көрсетілімдері бар: тірек-қимыл аппаратының аурулары, қозғалыстарды үйлестірудің бұзылуы, қаннан қорқу, көру қабілетінің нашар болуы.