Құтқарушы

Құтқарушылар құтқару бекетінде кезекшілік етеді, қауіптілігі жоғары орындарда бақылауды және адамдардың өмірін сақтап қалуды жүзеге асырады, судағы, таудағы жағатайым оқиғалар, авариялар кезінде жарақаттанған адамдарға бірінші болып көмекке келеді және қажет болған кезде жарақаттанған адамдарға медициналық қызмет көрсетеді.
Олардың міндеттеріне мыналар кіреді:
− жазатайым оқиғалардың алдын алу және батушыларды құтқару үшін жағажайларды және жүзу бассейндерін патрульдеу;
− зардап шегушілерді, оның ішінде арнайы іздеу аспаптарын қолдану арқылы іздеу, құтқару шараларын қабылдау;
− жазатайым оқиғалар кезінде зардап шеккендерге дәрігерге дейінгі көмек көрсету;
− төтенше жағдайлардың алдын алу мақсатында азаматтарға қауіпсіз мінез-құлық қағидаларын және олар орын алған жағдайларда іс-әрекет тәртібін түсіндіру;
− авариялық-құтқару жұмыстарын орындау үшін авариялық-құтқару құралдарын, мүлікті және жарақтарды жұмысқа дайындау.